Gospel au zel ang che
Phuahtu: Ralngama
MKHTB(2007) 142
Gospel, au zel ang che,
Tuipui leh ram tin chungah;
Van Lal Fa thihna an hre lo ve,
Au zel la, hriattir angg che.
Gospel au thangkhawk se,
Tuifinriat leh ram zawng zawng pawhin,
An hausakna leh an mite nen,
Van Beramno thihna Kalvari lam panin an kal e.
Gospel, au zel ang che,
Chi tin leh hnam tin zingah;
Lal Krista thihna an hriat theih nan,
Au zel la, hriattir ang che.
Gospel, eng zel ang che,
Khawvel sual thim zingah hian;
Chhandamtu tuarna an hriat theih nan,
Eng zel la, hriattir ang che.
Gospel, fang zel ang che,
Tlan saten an thinlungah,
Pathian hmangaihna an hriat theih nan,
Fang zel la, hriattir ang che.
