An ruot Lal Imanuel,
Adam thla suolna leiin;
Vân ropui rângkachak ram khêlin,
Judai ram Bethlehem-ah hmun a um nawh Lal piengna’n,
A nghâk ranthlêng Bethlehem khaw kawl.
Lawmin inpâk ei tiu, ei Tlantu a pieng tah,
Haleluiah! A hming inpâkin;
Hnuoi chungah rem lêng sien,
Hnam ze tinrêng hai lai,
Ei ta di’n damna a hung intlun.
Khawvêl lal hming ziek lai khan,
Judai ram berâmpuhai;
An vêl Lal ropuina’n a el var,
“Ṭi naw unla ngâi ta u, chanchin lawmum ka’n tlun hi,
Sandamtu a pieng tah ie” tiin.
I ngai naw maw Sandamtu,
I vân khawpui tuol inhawi;
Iengdinga ranthlêng chungah I zâl,
“Aw ka ngai ka vân khawpui, sienkhawm nangma suol leiin,
Hnuoi rinum thimah ka’n vai,” a tih.
Khawvêl lal tam tak an pieng,
In mawi ropui tak sûngah;
En ta, vân Lal piengna bawngin saw,
Aw, ka thla, i lal a nih, zawngin fe la ranthlêngah,
“A chûn rieng Mari’n a chawi,” an tih.