Lal pieng hun lawmum tak ei tlung nawk tah
Phuahtu: Ralngama
ṬHB 324.
A HMING MAKA, REMRUOTTU
Lal pieng hun lawmum tak ei tlung nawk tah,
Hlim taka lawmin zai vawr ei tiu;
Thina thim hnuoia thunghai di’n,
Var ropui tak a tlung tah;
“Halleluiah” ti’n inpak ei tiu.
A hming Maka, Remruottu, Lalpa,
Chatuon Pa, Rem Lal ropui a nih;
A ramin kin ni nei ta naw nih.
Lien pei a tih, chatuon chen khawmin.
Tuhin Bethlehem khuo tieng chu panin,
Ringnain vuongin va leng inla;
Chun rieng Mari chawi hnuoi le van,
Lal riengvai chu hmung ei ta;
Ei nei ro thil po po peng ei tih.
Ringna’n ka hang thlira ka chung van khuo,
Remna Lal naupa a pieng ni chun;
Thena’n zai an rem an rawl mawi,
Thang khawk chun khawvel po leh;
Ka chung thangvan sang khi a nghawr vel.
A min tlantu Lal tak thar hung pieng chu,
A hming Lal Krista, Immanuel;
Hosanna! chunghnung taka khin,
Ropui takin um raw se;
Remna thu leng sien khawvela hin.
