Adama thla suol thina inthim hnuoia chun
Phuahtu: Ralngama
KHTB 206
NGAIIN KA THLIR
Adama thla suol thina inthim hnuoia chun,
Hnam ze tinreng tapin an inrum;
Kei anga vangduoi an um nawh khawvelah,
Ka bung dawntuoi vul lai par ang a thliek.
Ngaiin ka zuo run thangvan ka hang thlira,
Lungngai, lusun tapna hrim a um ta ngai nawh;
Ei mi lungdit, hmangai fe tahai chun,
Lawmna par Lal nunem chu an bel.
Ka dawn sei ngam nawh, ka chan tawk khuo rel hi,
Ieng am hril ka ta, lung kan vai ie;
Fam ngai tap mi hnem an um nawh khawvelah,
Ka Lal lunghnem, lawmna par nang naw chu.
Buoina sumpui, lungngaina tui fawn karah,
Ka thlir, hnung tieng hrim an ngha ta nawh;
Hmangai Lal lengna Zion tlang ropui chu,
Panin tap lai puon ang an bang lem tah.
Kei khawm ka dam lai ni a bo ve pha chun,
Lalna ram mawi chu chang veng ka ta;
Hmangai fe tahai leh laituol leng hmunin,
Beramte hliem hnung zaiin awi kan tih.
