Pathian anchhe phura boral fate
Phuahtu: Ralngama
MKHTB(2007) 113
Doh is E
Pathian anchhe phura boral fate,
Sual leh lungngaihna hnuaiah kan tang;
Chhandamna chanchin lawmawm tak chu,
A lo thleng ta, lawm r'u, Hosana!
Hlim takin Gospel Jubili chu i lawm ang,
Remna Chanchin ṭha, chhandamna ropui
Rawn thlentute ke chu a va mawi em!
Sual bawiha tang kan chhuahna turin.
Chatuan nunna leh hlimna duh apiang,
Van nunna chhang Lalpa chu ring r'u;
"Aw thlarau rilṭam, lo kal thuai rawh,"
Tiin Isuan aw nemin min ko.
Tuihal apiangte u, lo kal rawh u,
Kalvari tlangah chuan lo kal r'u;
Chhandamtu naka thisen chhuak chu,
In thlarau tan nunna tui a ni.
Gospel Jubili chu a lo thleng ta,
I lawm ang, hlim takin i zai ang;
Thil hlui zawng zawngte an ral zo ta,
Ngai teh u, a lo thar leh ta e.
