MizoLyrics.Com Mizo Lyrics - A va kiam sawt ngei em

A va kiam sawt ngei em
Phuahtu: Rev. Thangngura
MKHTB(2007) 430
Doh is F

A va kiam sawt ngei em,

Kan khawvel dam lai ni tawi te hi,

Lawmna par an chuai zo leh dawn ta;

Kan inṭhenna turin,

Lenkawlah ni a lo eng ta e,

Inṭhen lohna ram kan va ngai ve maw.

Inṭhen lohna min hrilh, ram mawiah chuan,

Kan unau te hian kan la chawl ang a;

Kan vengtu Lal Krista,

Kan Chhandamtu lawmna ke bulah,

Lungngaih a bo tawh ang.

Khawvelah hian chuanin,

Ṭapin, rumin, vakvai mah ila,

Buaina ralah khian ram mawi a awm;

Kan Chhandamtu Krista

Zuia kan nun kan lo phal ve chuan,

Chu ram mawiah chuan kan la chawl ang a.

Lawmna par vulna hmun,

Chhandamtu Krista lenna hmun chu,

Ngaiin ni tinin ka han thlir a;

Van angel varte leh

Kan rual hlui kan ṭhen takte nen khan,

Eng tik nge lawmin kan inkhawm ang le?

Kan unau te hianin,

Kan Lal tan i thawk ang, ning lovin,

Hun hi ni tinin a kiam zel e;

Zing arsi mawi ropui,

A lanna hi a lo hnai ta e,

Thawhrim zawha kan la chawlhna tur chu.

Aw ka Lal, Chhandamtu,

Ka lawmna parah nang lo vul la,

Khawvel lawmna par a chuai zo ta;

I hmelah hian chuanin,

Lawmna tinreng hi a lo lang khawm,

Lawmna par te, saron par mawi i ni.

:

Rev. Thangngura Hlate

Mizo Lyrics Available at