MizoLyrics.Com Mizo Lyrics - Aw ka chhandamtu hring i chan lai khan

Aw ka chhandamtu hring i chan lai khan
Phuahtu: Rev. Thangngura
MKHTB(1936) 15, MKHTB(2007) 243
Doh is C

Aw ka Chhandamtu, hring i chan lai khan,

Dam lo - nat tinreng tuara inkhawmte chu;

An zingah tumah i hnar lo;

Dam leh lawmin i ṭin tir ṭhin,

Aw, ka thlarau hliam hnu hian a ngai ve che.

Aw, ka rawn pan zel che, Hmangaihtu Lal nunnem,

I kut thianghlim tak chuan min lo pawm la;

Thlemna tuipui fawn chu mi hruai kai la,

I angchhung ralmuang hmun chu min thlen la.

I hmelah lawmna kim a awm an ti,

I ṭawngka chhuak pawh chu a thlum, khuai angin;

I mi hipna i hmel duhawm,

I ṭawngka chhuak thlum tak mai chu,

Aw hmuh leh hriat ve chakin ka lo kal e.

I sulhnu rawn zuiin, ka Lal Isu,

He khawvel thim zingah hian ka vakvai a;

Lal Davida Khawnvar mawi tak,

Nang ngei Isu, Varparh Arsi,

Aw ka lu chung zawnah hian lo eng ve rawh.

Ka chungah thlemna tur ni a dai lo,

Thlemna thlipui tinreng ka velah a tleh;

Ka lu hliahkhuhtu nei lo hi,

I thla zar la, min hliahkhuh rawh,

Aw, thlemna thlipui zingah min lo hliah rawh.

:

Rev. Thangngura Hlate

Mizo Lyrics Available at