Dawn ve teh u khawvel ram ropuiah
Phuahtu: Upa Chawngbuaia
1. Dawn ve teh u, khawvêl ram ropuiah,
Mi fing tam tak lal ropuite lêng mah sela;
Zuapa rûn chhunga lêng lo chu,
Ka lung lai hnêmtu an awm lo;
Tlâng tin, mual tinah âr angin ka vai.
Ka va ngai êm! hmuh nî awm lo,
Rual an kim e, thin lai hnêm an awm lo;
Khua reiah dai ang maw fam ngaih ni?
2. Ka zawng ruai ruai hmuh nî a awm si lo,
Ṭapin ka zai an sûlhnu lei awmharah hian;
Hmangaih Lal ropui tuam vêlin,
An lêng e, ka chungkhua nuamah;
Chutah lungngaihna chhûm a zîng ngai lo.
3. Min hnêm turin Thlarau, lo kal ve la,
Chêng reng ang che, ka thinlung sual thim takah hian;
Ka Lal lenna Zion khawpui,
Ka thlîr ang hnutiang hawi lovin;
Tah chuan 'fam tawh hnu tual a lêng' an ti.
