Hun ral ta zawng zawng ka thlir a
Phuahtu: Upa Chawngbuaia
1.Hun ral ta zawng zawng ka thlir a,
A chuaiin mual an liam zo ta;
Vân pangpâr leh lâwmna chul lo chu,
Chuai ni reng a awm tawh lo’ng.
Ka ngai mang e, chu ram chul lo chu,
Chatuan ata Lalpa buatsaih ram;
Tlante an lêng an chuai ngai tawh lo,
Berâm No ropui fakin.
2.Chu ram ropui ka thlir chuanin,
Ka awmna lei pangpâr angin;
Chatuan atan tling lo reng, an ti,
Aw, ka ngai, ram hlun tûr chu.
3.Lei lâwmna leh hlimna kan chan,
Țah leh lungngaih an chang zo ta;
Rawn din thar leh la Thlarau Thianghlim,
Lâwmna chul lo, sâng zawkin.
4.Thlarau Thianghlim pâr tlante chu,
Ka thlir hian mual an liam zo ta;
Aw ka Lalpa, rawn hruai kir leh la,
Tlantu zaiin ka awi ang.
