Hun liem tahai po ka thlirin
Phuahtu: Upa Chawngbuaia
KHTB 147
KA NGAI NGEI
Hun liem tahai po ka thlirin,
A chuoiin muol an liem zo tah;
Van par mawi le lawmna chul lo chu,
Chuoi ni hrim um ta naw nih.
Aw ka ngai ngei chu ram chul lo chu,
Chatuona ding Lalpa buotsai ram;
Tlanhai an leng, an chuoi ngai ta nawh,
Van Beramte inpakin.
Chu ram ropui ka hang thlir chun,
Ka umna hnuoi parte ang hi;
"Chatuon hmun di'n, a tling nawh" a tih;
Aw ka ngai ram hlun ding chu.
Hnuoi lawmna le hlimna ei chang,
Tap le lungngai an chang zo tah;
Hung din thar nawk la, thlarau thienghlim,
Lawmna chul lo sang zuolin.
Thlarau thienghlim par tlanhai chu,
Ka thlir hin muol an liem zo tah;
Aw ka Lalpa hung thuoi kir nawk la,
Tlantu zaiin awi kan tih.
