Khawvelah hian hrehawm kan tuar rei tawh long
Phuahtu: R. Thanghuta
MKHTB(2007) 376
Doh is E♭
Khawvelah hian hrehawm kan tuar rei tawh lo'ng,
Lungngaihna leh buainaten min hual vel;
Mahse, chhel tak leh lawm zela tuarin,
Ka nghah Lal hmel lawmawm ka lo hmu ang.
Aw, tunah hunin min dang rih,
Khawvel hrehawmah hian;
Angel lenna, rethei fate an chawlhna,
Kei pawh chutah ka la chawl ve ang.
Hmanah ṭap leh lungngaia ka ṭhente kha,
Hrehawm tinreng tuara rethei fate;
An belh Lal hmel duhawm lawmin an fak,
Ṭah, lungngaih, buai, hrehawm tuar tawh lovin.
Ka thlir bang lo'ng, ni tin lunglen a zual ṭhin,
Hmun ropui tak, aw, ka chenna ram tur;
Lungngaih, hrehawm ka tuarna min hnemtu,
Aw, eng tik nge chu hmun chu ka thlen ang?
Lawmin ka zai ang he khawvelah hian,
A rei tawh lo'ng tunah Lalpan min hnem;
Lungduh ṭhente nen lui ral mawiah khian,
Chatuan lawm hla mawi tak chu kan sa ang.
