Lungngaihna leh buaina ka doral a lo lian e
Phuahtu: R. Thanghuta
MKHTB(2007) 154
Lungngaihna leh buaina ka doral a lo lian e,
Mahse ka lungngai lo'ng zam hmel reng ka pu lo vang;
Min hruaitu Lal Imanuela hmingin kan hneh ang.
Lawmin i zai ang u, hlimin i au vang,
Kan Lal hmingin kan hneh ni a thleng ang.
Hmana ṭap leh lungngaia lungduh ka ṭhen takte kha,
Aw, min nghahna Zion-ah ka la han hmu ang a;
Chutah kan lawmna a kim ang, kan inṭhen tawh lo vang.
Hrehawm mah se hun a rei lo'ng, Lal hmaah kan ding ang,
He khawvel sual thim zinga a tan dotute hi,
Zion khawpui kan thlen hun chuan Lalpan min lo lawm ang.
A hun leh ni lo thleng tur chu, aw, ka va nghakhlel em!
Lei thuam daha van thuama kan inthuam hun tur chu,
Ka tan chawimawina ni ropui lallukhum khumna chu.
