Khawvel puan anga hlui hnuah hian
Phuahtu: R. Thanghuta
MKHTB(1936) 123, MKHTB(2007) 67
Doh is A
Khawvel puan anga hlui hnuah hian,
Aw Lal Isu, nang ngei lo leng la;
Kalvari-a i tuarna hnam tinin an nghilh zove,
Rawn inentir leh rawh.
Aw, i tuar natzia leh i lungngaihna,
Kalvari-a i thisen luang kha;
Rawn inentir la, Kalvari-a i lungngaih lai hmel,
An lungkham bang lovang.
Khawvel lawmna par ang chuai sela,
Kalvari lawmna par, nang vul la;
Ram boral meka lengte i zar mawiah an leng e,
'Aw, thisen hlu,' tiin.
A thlirtuho che chu maw, Lalpa,
Lawmin an bianga luaithli nulin;
An lungngaihna an lawmna pangparah an vul a maw,
I chatuan ramah chuan.
A tuarna sunpuitu hote chu,
Zion tlang mawi var chunga chuangin;
Kirsan an awm lo che i tuar lai hmel chu an enin,
'A na lua e' an ti.
