Chu zan lungngaihthlakah
Phuahtu: Taivela
MKHTB(1936) 158, MKHTB(2007) 71
Doh is G
Chu zan lungngaihthlakah,
Kan Lal Isua chuan;
'Hei hi ka taksa leh,
Ka thisen in tur chu,
Min hriat reng nan,' a ti.
Chhandamtu an duh lo,
Zion kulhpui chhungah;
Ṭanpuitu a nei lo,
Thing anchhedawng an bel.
"Tho rawh u, heta ta,
I kal chhuak thuai ang u;
Ani chu mi sualah,
An chhiar ang tih ziak kha,
A lo thleng dawn ta e.
Tichuan an kal chhuak a,
Olive tlang lamah;
Puithiam lalberte leh,
Sipai, tiangkengtu chuan,
Amah phuarin an vua.
Pilata kawr chhia leh,
Hlinglukhum mak tak nen,
Kalvari lam hawi a,
An hruai hneng hneng lai khan,
Ṭanpuitu a nei lo.
Kalvari tlang pui saw,
Ni tinin ka thlir a;
Ka Chhandamtu duh tak,
Mi sual kara ding khan,
Ka thinlai a run e.
