Ka tan ni leh thla reng a eng tawh lo
Phuahtu: Taivela
Doh is E♭

Ka tân ni leh thla rêng a êng tawh lo,
Thimin min bawm e, aw ka Chhandamtu;
I hmun ropui thlen hlan ka nghâkhlel e.


Chhandamtu tak chu ka va ngai êm ve aw,
I khawngaihna thahruiin min kai la;
Chhandam fate lênna hmun mawiah chuan.


Vân kawtthlêrah khian Berâm No aw chuan,
Ka fa lo kal rawh i sual rit tak nen;
Ka lo chhâwk ang che, tiin min ko ve.

I hmangaihzia leh I ropuizia chu,
Tu nge sawi thei ang lei mite zawng chuan;
Vân mite zawng pawhin an sawi thei lo.

I lungngaih aw maha lei a nghin chuan,
I ropuina nen I lo kal hun chuan;
Lei leh vân rengin an dawl zo lo vang.

Chutiang ni chu a lo la thleng ang,
I hmelmate zawng hlauvin an khûr ang;
En teh, min Tlantu, kan la ti ang a.



   Facebook      Twitter    :    Views(4365)