Min hmangaih vanga maw Lalpa i tuarna
Phuahtu: Taivela
MKHTB(1936) 115
Doh is C
Min hmangaih vanga maw, Lalpa i tuarna,
Ka thlir ang che, Kalvari tlang thlengin;
Hlinglukhum khum chunga i hmel thisen luang lai,
Ka en ngam lo che, a na lua e Lalpa.
Min hmangaihna zawng zawng;
Thuin ka sawi seng lo;
I hming ka fak tur ang hian,
Lalpa, aw ka fak thei lo che.
A thlirtu mipuite laina an awm lo,
'Ka tui a hal,' tia a au pawhin;
Ka Lalpa tuihal tulh tur tumah an awm lo,
A dil loh zawk, zu thur leh thil kha an pe.
I khum ang hi Lalpa, tunge khum ve awm?
A mawi love, i tan hlinglukhum chu;
I van lal kraun hlu chu aw khawiahnge a awm?
Tihelna lal puan sen leh hling phiar i khum.
A tuar lai hmel enin nghilh rual a ni lo,
Lei leh van Lal, nang leh kei vanga maw;
Lungngaihna tuar ngai lo lungngaiin a rum a,
I fak ang u, hmangaihtu Lal duhawm chu.
