Lungngaihna leh buaina piah a
Phuahtu: Puna
MKHTB(1936) 134, MKHTB(2007) 403
Doh is D
Lungngaihna leh buaina piah a,
Thihna lui ralah;
Chatuan in mawi ropui tak chu a lo eng a,
Aw Lalpan a buatsaih ram a ni.
Chutah thawkrimtute an chawl ang,
An Chhandamtu ropui fakin;
Van kawtthlerah angel var nen an leng rual e,
Aw an ri mawi chuan ka lung min len.
Khawngaih takin ka Chhandamtu,
Min hruai zel ang che;
I thla hnuai daihlim hnuaiah chuan lungngai fate,
Aw, an chawlhnaah min chawlhtir rawh.
Ka dam chhungin i Thlarauvin,
Min hruai zel ang che;
Ka hmaah lo eng zel ang che, i ram thianghlim,
Aw ka Lalpa, min hruai kai ang che.
Kawng tinrenga min hruai turin,
Nang ka ngai ber che;
Khawvel lungngaih buaina zawng hi ka kalsan ang,
Aw, i ram thianghlim ka thleng thei ang.
