Hunte an kiam zel a lei hlimna a ral thin
Phuahtu: Puna
MKHTB(1936) 98
Hunte an kiam zel a, lei hlimna a ral thin,
Khawvelah lawmna a kim thei si lo;
Lalpa, lo leng lal aw, ni ropui rawn thlen la,
Rethie faten an lei hrehawm kalsan an duh.
Aw, Eden thar nuamah chuan min hruai tawh la,
Lungngai taka inthente kha leng za ila;
Kan lawm a kim ang a, kan fal zel ang che,
Khawvel hi kan ngai lo nang e, i ramah chuan.
I tana tuartuten chu ram chu an beisei,
Lei lawmna an tan a vul ve si lo;
Zion mipuite leh hmangaihna Lal hmel chu,
Ni ropui lo lang tur chu an thlir ning lo.
Lei lungngaih leh hrehawm buaina tinreng hnuaiah,
Ringtute chu lawmin an zai zel thin;
An tan khua lo var se, Salem thar nuamah chuan,
I hruai khawm hun ni ropui ngaiin an thlir thin.
