Hun le kumhai an liem pei
Phuahtu: Puna
ṬHB 272.
EI CHATUON KHAWPUI
Hun le kumhai an liem pei,
Ei hlim lai nihai po leh;
Ni var mawi le khawvel parhai hi,
Ka ta di’n lungngai le tapna hmun a ni.
Aw, ei chatuon khawpui, ral muongna hmun,
Tlansahai lengna ram ka ngai ngei de aw;
Lungngaina le thlaphangnahai,
Um ta naw nih, tapna bo tang a tih.
Hi khawvel lungngaina le,
Mitthli hin a mi nang vel;
Thlaler ral dai, kan rumna ram hi,
Khela hmangaihai le leng ka nuom de aw.
Ei hlim lai nihai an chuoi,
Khawvel par vulhai po leh;
Hnuoi lawmna puon ang a chul nawk hlak,
Par ang vulna chatuon ram ka ngai de aw.
Mi hung hnem la, aw Lalpa,
Thlafam lusun an rieng nau.
Mi hung thuoi la, i lengna rmah,
Buoina ram khawvel hi ngai ta naw ningah.
