Adam bawsietna lei chauvin
Phuahtu: Mrs. Ropuithang
KHTB 372
Adam bawsietna lei chauvin,
Thiem chang hnung kha thiem chang lovin,
Pathien hmangaina lei chauvin,
Krista'n a mi hung intlan suok nawk tah.
A van ropuina maksanin,
Rinum tinreng tuor zo dingin;
A thisenin thiem a min chang,
Lawm seng ei tiu, Amen, Halleluijah.
Ka nau, vawizan lungngai naw rawh,
Lalpa'n i ram a min hmutir;
Kei khawm kan nawh, nang khawm in nawh,
Lalpa sinthaw an lang zuol leiin a nih.
Lal ram el phur mawi theina di'n,
Lalpa'n ei hma ṭhuoi pei a tih;
Ei hrat nawnahai suong ei ta,
Lalpa hratna chun mi ṭhuoi pei a tih.
Ka hnuo taksa sukbo a ta,
A thienghlimnaa inthuomin;
Hlimin leng ka tih, ram mawiah,
Kalvaria Pathien hmangaina leiin.
