Lal rama rawng bawltu ding chun
Phuahtu: Mrs. Ropuithang
KHTB 327
Lal rama rawng bawltu ding chun,
Ei hrat nawnahai suong ei ta;
Ropuina le insangna'n Lal ram a mi'n tlun-
Thei chuong si nawh.
Aw Lalpa hmangai ropui,
A hausakna ren ruollo chu;
Eini Krista ringtuhai ta ding,
A hmangaina rama chun,
A mi hlang kai tah Krista zarin.
Ram ṭha nawk zuol changtu ding chun,
Mani rinum pawisa lovin;
Ni tin ei Kraws put ei ta, Lal Krista zui di'n,
Kal chawi ei tih.
Lal Krista hnung zuitu ding chun,
Ei thil neihai maksan ei ta;
Ei pumin inpeng ei ta, a kuomah cheng kum-
Khuo tang ei tih.
Khawvel hausakna thlir lovin,
Zion ram inhawi thlir ei ta;
A chun an lang khawpui thar, a sunga chengtu-
Hai ei ni si.
