Mani hluo lo rama chun
Phuahtu: Mrs. Ropuithang
KHTB 308
HLUOTU RAM
Mani hluo lo rama chun,
Hriet thiemna a um thei nawh,
Hriet thiemna rama ei leng theina dingin,
Ram thar chu hluo dingin Lalpa'n mi thuoi a tih.
Chu ram mawia lenghai chun,
Kir zai reng reng an rel ta nawh;
Lal thungpha chu ngir huolin,
Beramte rawiin lawm hla rem tang ei tih.
Ei varna le ei hratna'n,
Lal ram thar hluo naw mei nih;
Mani ta dinga hring zai rel ta lovin,
Lal Krista ta dingin hring zai rel lem ei tih.
Suol inhrietna hmuna chun,
Lalpa'n ram thar a mi pek;
Krista'n a hmun siem a mi hlangkai leiin,
Ei theina ni lovin Jordan ral ei kai tah.
Pathien hmangaina leiin,
Ei phuruol lo ei chang tah;
Khawvel miha'n an hriet nawh ram inhawi chu,
Ei chen tah Lal Krista hmangaina lei chauvin.
