Kum le nihai an her liem a
Phuahtu: Pi Runchawng
KHTB 217
Kum le nihai an her liem a,
Thing tin par an vul a;
Sa-lung an leng ngei ie pielral ngai a hung zuol,
Ka ngai nun-thing zar hnuoi;
Ngaihruihai an kimna.
Aw nun thar an vulna chu,
Lalna parin a bawm;
Lawmna tui luong del del hringna thing zar hnuoiah,
Hnetu zion Lal nunnem hi an bel a nih.
Hlim lai ni tienlai an chang tah,
Lungngai an zam vel ie;
Ngaiin ka ko che ie, I hnung sawn chul hnungah,
Ka lawmna, lungngai, tap-
Na an chang zo tah ie.
Ruol kimhai dar ang an leng ie,
FAm ka nghil zo naw ie;
Sakhmel tawn-par tuoi dawng lai,
A thliek ta hnung kha,
Ka ngai kum hun sawt ni hi a dai ding a nih.
I sulhnu ram ang a dei ie,
Ka tuoi lengna ram hi;
Thlalera hin sul angin ka them tah Lalpa,
I damna fier-tui inthieng hi min dawn rawh ie.
