Lal thar lawmum a hung pieng
Phuahtu: Pi Runchawng
KHTB 196
LAL THAR A PIENG TAH
Lal thar lawmum a hung pieng,
Bethlehem bawng inah;
Van Lal run ropui chu a maksan tah ie,
Lal pieng hawi lovin, ran thlengah an inzaltir.
Suol tlanna sin thaw dingin,
Van lal Immanuel;
A Lal thungpha le Lallukhum maksanin,
Hmangai rem Lal hnuoiah a hung pieng tah.
Vantirko chu a hunga,
Berampuhai kuomah;
"In ta dingin Lal David khawpui zungah,
Sandamtu Lal Krista a pieng tah ti'n an hril".
Heroda lung an zing a,
Lal pieng thu a hrietin;
Mi varhai an dawna, a nun lak tumin,
Vantirkovin naute damna thu a lo hril.
Khawvel suol phurtu dingin,
Van mi hrang Lal nunnem,
Suol le doral ngama a nun phurtu hi,
Hnetu, VAn Lal chunghnung, inpakin um raw se.
