Hun par mawi hi an her liem tah
Phuahtu: Pi Runchawng
KHTB 154
Hun par mawi hi an her liem tah,
Ngaiin ka ko, kir a rel nawh;
Dam lai thlalera hin kan vai,
Lal hmel hmu pha lawmna chang ngei de ningah.
Aw, lungkham ram kan hnemna hi,
Beramte nunnem a siem thar mawi;
Hringna par vulna ramah,
Leng ka nuom ngei de aw.
Ka tapna le kan vaina ram,
Hnuoi rinum hi ka khel pha leh;
Lal ram ropui ka tlung ve pha,
Lawmna chuoi thei lovin leng ve tang ei tih.
Sandam nauhai ei lawmna ding,
Salem khawpui ei tlung pha leh;
Hnetu Lal Immanuel Lal hi,
Inpakna hla mawihai chu rem tang ei tih.
Sandamna dar a hung inri,
Pa hmangaina'n lam a hawng tah;
"Hung ro, nau zam-hmanghai," tiin,
Pa rawl ri chu ei laiah a cham zing ie.
