Tuhin buoina tlang sipa ngirin
Phuahtu: C.Z. Huala
KHTB 130

Tuhin buoina tlang sipa ngirin,
Nghakhlain khaw thienghlim ka thlir;
Tu chena kan nghil naw lungdithai,
Puon var sila an lengna.

Mi hnar naw la, aw ka nghak che,
Ka tapna ram lien sienla khawm;
Tianhai le chawl lova hla sakna,
Hmun ralmuong chu min tlun rawh.

Ka ta di'n khawvel rinum sienkhawm,
Chatuon khuo a hung var pha leh;
"Buoina po hi bo a tih," an tih,
Nghak ka tih, ni ropui chu.

A sawt taluo, ka ta di'n buoina,
Tuoi ei sienla hnuoi parte hi;
Hmu ka nuom ie, tlanhai tuol lengna,
Lungdit po kim tang an tih.

Dam lai thlaler hi ka khel pha chun,
Van mihai lawma an lengna;
Aw the lovin, chawlna thing hlimah,
Chawl lovin sakpui el tih.



   Facebook      Twitter    :    Views(210)