EDEN THAR
Eden hlui hi ei hnungsawn ram a nih,
Nitin hma tieng ei thlir zing hlak;
Buoina sum hi inkieng a mawi si nawh,
Tapa sun ni tlak a awl ngei maw.
Aw Eden thar, ka ngai em el che,
Sun ni tinin ringin ka hang thlir che;
Aw tiena ka lenruol hlui fe tahai chu,
Sinau ang-nui sieuin ka hmuh.
Lungngai ka tap ni hin ka hei thlir a,
Buoina sum khel ram inlang saw;
A va mawi ngei, lungdithai tuol lengna,
Lal Immanuel a ram a nih.
Khawvela hin hlun sung hrim an um nawh,
Tapin lungdit ei the rawp hlak;
Eden thar tuol laia lenghai po chun,
An tap lai nau ang an innui tah.
Ngai inlakhawm, I ram tlung hma hin chu,
Ka tapna khuo a sei ta luo;
I buotsai ram thienghlim min tlun ve la,
Taplai hi puon ang bang tang ka tih.