Mihriemna hi chu a lo buoi nawk hlak
Phuahtu: Solomon V. Hmar

UMAN A MI UMPUI

Mihriemna hi chu a lo buoi nawk hlak,
Ama le ma lo in sandam tum in;
A thawthei le ngaituo thei um si lo,
Ama a um zing hrata a theinghil hlak leiin.

Tui i palkai laiin um ka ta i kuomah,
Ti naw raw kan tlan che i hmingin ka ko ta che;
En ta ka kutphahai a hin ka ziek che,
Lalpa'n a mi hril Halleluiah! Halleluiah!

Krista a thlamuonga ei umna din
Khawvel a hin rinumin ei um hlak
Ei fena lampui hlan chau in khawm
Thlamuongin ei um khawvel a lo hne zo ta si.

Lalpa rorelna hnuoia um po ha'n,
Harsat, rinumna tuok hlak hai sienkhawm;
Thutak ringna le felna inchukin,
Thlamuongna'n sipin Zion hlamawi an rem pei hlak.

Khuongte tingtang hlimna rihai re in,
Sungkuo le lenruol umnaw hai sienkhawm
Vanah tiem senglo sungkuo tam ka nei,
Malin ka um nawh Uma'n a mi umpui zing hlak.

Hnuoi hi vawikhat la suk hninghnawk a ta,
Tlang lien le tlangchinhai sawn ning a ta;
Sienkhawm Lalpa zainemna le remna,
Thuthlung chun kei mi fehmang san ngai hrim hrim naw nih


   Facebook      Twitter    :    Views(1846)