HMANGAINA INPAK KA TIH
1. Thiem ang tâwka ka hang ngaituo chângin,
A mak ti naw hril thei dang ka nei naw;
Phulo hmangaina chu a lo ni ngei,
LALPA hmangaina ropui ka chang hih.
2. Mi țha le mi suol thlierbîk nei lovin,
Kan chungah I nisa insuoktir a;
Chu hmangaina tuipui anga lien chu,
Kei châu le hrâtnaw hin ka lo hmu tah.
CHORUS :
I hmangaina inpâk ka tih LALPA,
Hmu le hriet thei dingin I'n langtir a;
Inpâk tâwp thei ding che'n ka mawi nawh ie,
Nitin I hmangaina a thar pei si.
3. Ka um le ka umnaw dang chuong lo ding,
Ka'n pâk lei che a ropui khawm ni lo;
Kei țhat lai le fel lai nun rêng nei lo,
I mi hriet zing hi thil mak tâwp a nih.
4. Vân khuo le tui nina I mi'n hlân a,
I hmangaina hriet sêng ruol ding a'n nawh;
I vântirkohai thîk tham hiel khawpin,
I rohluotu dingin I mi siem a.