SAMUEL PENG A TI CHE
1. Sakhming Elkana'n - 'Hanna le Penina' thâiin a nei a,
Thâi duotlai Hanna'n hrailêng a châwi thei nawh;
Lungngaiin a'n rûm a'n rûm a,
Chu lungngaina chu chawk tho tumin;
A khingpui nûn a bei a bei hlak a,
Hringnun țapna'n a hmang ie.
CHORUS :
I hringnuna harsatna'n a bei che a,
I hrâtna'n a hnebân thei si nawh;
Sêltu thâwm ri a'n hrâng a,
Nitinin lungngai a zuol deu deu;
Makhâtin i pindan kilah beidawng mitthli i hrûk maw!
2. Ieng anga biethu thlum tak a pasalin inhlân hlak sienkhawm,
A lungngaina sâwk theitu a'n chang si nawh;
Mihriem ah a beisei a bo,
A lungril lungngaina tâwpkhâwk chu;
LALPA hma bula chun a phawrsuok a,
A lungngai hmêl a hlim hlak.
CHORUS :
I hringnuna harsatna'n a bei che a,
I nun sûngril beidawngin a'n rûm;
Sienkhawm mihriem ah i tawng si nawh,
LALPA hma bulah tlu lûtin;
I lungril hung phawr raw leh.
BRIDGE :
A țawngțaina dawnin Hanna'n nau a hring tah,
Mi mei mei ni lo, zâwlnei ropui Samuel LALPA'N a pêk;
Duthusâm khêl tienga mi LALPA'N thawpêk che a nuom annâwm,
Khawvêlah nghatsan tlâk ding an um nawh;
I lungril lungngaina LALPA hmaah phawr la,
I nunah zâwlnei ropui tak Samuel pêng a ti che;
Unau, tukhan LALPA hmaah kûnin țawngțai țawngțai rawh.