1. Vânhai khin Pathien ropui zie, puongin an inhriettir a; Boruok zâu tak khin A kutsuok, tlâng an insampui hlak a; Sûn nitinin an puongsuok a, zân tinin an suklang hlak; Kam le thuin an hril nawh a, an râwl hriet ding a um nawh; Sienkhawm an râwlin hnuoi a fang, an thuin kâwlkil a dêngsuok. CHORUS : I ropui ie LALPA! Ropuina kan inhlân che; Inpâk tlâk I nih ie, kûnin chibai kan bûk che; Nang inpâkna hla rimawi hi, chuoi ni rêng nei ngai naw nih; Chatuona kan inpâk ding I nih, Aw LALPA I ropui ngei! I ropui ie LALPA! Chawimawina kan inhlân che; Inpâk tlâk I nih ie, I hmaa kûnin chibai kan bûk che. 2. LALPA nang chu suon po poa, kan chêng himna chu I nih; Tlâng le leilung ngîr hma khawm khan, Pathien pangngai zing I nih; Aw Chatuon Pathien kan LALPA, kan lungril le kan thlarau; Kan hrâtna le theina po in, nang chau hi kan hmangai che; Nang ngei hi Pathien chu I nih, nang naw Pathien dang an um nawh.