Krismas ni lawmum a hung tlung
Phuahtu: James Songrolal Songate
ṬHB 296.
Doh is D
Krismas ni lawmum a hung tlung,
Hlim le lawmin zâi vawr ei tiu;
Khawvêl suola thi ta hnunghai,
Intlansuokna dingin,
Bethlehem bawngin a hung thlang;
Eini a’n rienghai mi’n tlan di’n,
Ranthlêngah sam ang a hung zâl, aw a va tlawm ngêi de!
Ka thla, nang khawm va fe ve la,
Bethlehem bawngin tlawma chun;
Naute puona tuom hmu’ng i ta,
Chu ngêi chu i Sandamtu a lo nih.
Krismas ni lawmum a hung tlung,
Hlim le lawmin hla sak ei tiu;
Lungril ama kuom tieng hawngin,
Tuhin chawimawi ei tiu;
Sam ang zâlna hung mâksan la,
Naute pieng chibai bûk ei tiu,
Halelui, Halelui remin a hming inpâk ei tiu.
Krismas ni lawmum a hung tlung,
Hlim le lawmin inpâk ei tiu;
“Chunghnung takah Pathien chau chu,
Ropui takin um sien;
Hnuoia a lawm hai kuoma chun,
Inremna thu inlêng raw seh,”
Tiin a hmaah kûn ei ta, a hming inpâk ei tiu.
