A TA DIN HRING VENG EI TIU
Ramvachalha’n chengrâng chawiin,
Zukchal le nghalhriem tuol lêngna,
Ramhmangpui le rawlkhohai ner thlengin,
Thlipui le ruopui hnuoiah truon an rêl a,
Thai lunglawmna an hung hawn.
Lalpa Isu’n vânram khêlin,
A ropuina hlîpin a hung;
Ranthleng le thing Kros chungah a min tlan tah,
A tadi’n hring ve’ng ei tiu.
Ram ni tla sêng lo san dingin,
Tiena vâlthrahai an fam zo;
An rûnlum hnungtieng sawnin an liem a,
Dairiel an chang zo Ram le Hnam tadingin,
Nuram san di’n nun an pek.
Iengam i pêk ding dâltu che,
Iengam i fe ding hluotu che?
Thlarau tiemsêngnawhai an liem mêk si,
Kimte’n hang dawn ta’m Krista’n an tlân che hi,
I hringna ngei inhlân rawh.
Thim hnuoia thrung i unauha’n,
Siemtu Lal Pathien hre lovin;
Thingbul, lungbul le tran lasi an biek,
An chunga kut innghat di’n an nghak zing che,
Tuhin fe la sandam rawh.