Hi khawvel thlaler rama ka cham sung hin
Phuahtu: Rev. Zarzolien Infimate
TAPLAI NAU DAWN THIEM
Hi khawvêl thlalêr rama ka châm sûng hin,
Dawntu um lo nau angin ka ṭap a;
Hlimna kawl hung êng ding chu nghâkhla’n
Nitinin aw ka thlîr, ka thlîr zing hlak.
Aw ṭaplâi nâu dawn thiem, Lal Isu,
Nitinin nâu ang mi hung dawn la;
Ka mitthli hi mi hung hrufai pêk la,
A chun nâu angin tlei ta’ng ka tih.
Aw dawntu ka va ngâi ngêi hring chang sûng hin;
Aw Lal Isu nunnêm, mi hung dawn la,
Nâu anga mi hung inâwiin;
I âng sûngah chun mi lo pawm rawh.
Ka chêngna hi thlalêr ram el nisienlakhawm,
Kang thei lo hringna tuikhur a um,
A chun nitinin mi ṭhuoi pei la;
Mi’n dawn rawh, ka dangchâr hi hnêmna di’n.
