Ka suol tinreng phurin gethsemane huonah
Phuahtu: Rev. Zarzolien Infimate
ṬHB 254.
Doh is E
Ka suol tinrêng phurin Gethsemane huonah,
Lungngâi le thlaphângin ka Lal a ṭawngtai a;
Thlantui thisen angin a biengah a hung luong,
Tuorpuitu a nei nawh mengpuitu a nei nawh,
Ka thla insiemfel rawh i Lal mengpui dingin.
A rawihai ngêi khawmin an in innghilsan a,
A sukdamhai khawm kha khawla’m an um zo leh?
A bei fatuhai hlak dorâl an inchang zo,
A tieng ṭhang an um nawh, “Hemde rawh”, ti’n an khêk.
A ngûr rûntin hrûtin thiemthu hril di’n an tih,
“Thiemthu hril el ta la, khêlin an hêk che hi”;
Tiin ka lo ṭan a, sienkhawm a dawnna chu,
“Ka hmangai lei chein thiemnaw chang ka ni hih,
Thiem i changna dingin ka Pa’n thiemnaw mi’n chang”.
Sipai ruol pungkhawm chun nuizat siemna’n an hmang,
A hmâia chil sâkin hliemtuorin an vuok a;
“Tu’n am a vuok che a? hril thei rawh” ti’n an biek,
A va na ngei de maw, misuol tlanna ding chun,
Aw ka thla, ṭap lovin nang chun chawimawi lem rawh.
Thi dinga rêl angin kraws-a chun an hemde,
Kei misuol tlanna sin a lo ni lem hlau si;
Diebol ram chu lakpêkin a hung um tah ie,
Krista’n lalna changin a thonawk ta leiin,
Ka thla, nang khawm har rawh, thiem chang i lo ni tah.
