Hi khawvela hin thlavaiin
Phuahtu: Rev. Zarzolien Infimate
ṬHB 78.
Doh is D
HUNG LENG RAWH LALPA
Hi khawvela hin thlavaiin,
Van Lal nau ngei a hung leng a,
Chawlhadamna ding hrim a nei thei nawh;
Lungril hmun tlawm le ruok a hmu hma chu.
Hung leng rawh, Lalpa, ka lungrilah,
I chengna tlak hrim hrim ni naw sien khawm;
Nangin mi hung sukthienghlimpek la,
I chawlhadamna hmun inchangtir rawh.
Run mawi le inhawi zawng ni la,
Hringkhuoa hin a va tam ngei!
Sienkhawm lungril tlawm i zawng lem hlak si;
Mi chien le mi lien thlier hran bik loin.
Lalpa, ka lungril sung ngei hi,
I chengna in ding a lo nih;
Suolin lo hnein lo hluo hlak sien khawm;
Nang chau hi hung lutin hung cheng zing rawh.
Aw, ka van malsawmna, Krista,
I ta dingin mi sukhrat la;
I hmangai, in tlansahai kuoma hin;
I thu puongdar dingin mi sukhrat rawh.
