MizoLyrics.Com Mizo Lyrics - Thlarau pawlna changin hringnun a luong suoka van sang a mi vuong pui

Thlarau pawlna changin hringnun a luong suoka
Phuahtu: Solomon V. Hmar
Satu(te): Lalparzo Sanate

VAN SANG A MI VUONG PUI

1. Thlarau pâwlna changin hringnun a luong suoka,

Mi ta di'n fâk tlingin Zion hla thar ka rem;

Sienkhawm tisa hung lien natna ka'n chang nawk hlak,

Umpui ngai zing ka nih, Eden suol hliem hnung hi.

CHORUS :

Vân sâng A mi vuongpui, Vân hmun A mi fangpui;

Chu hmuna inthawk chun A mi thlâk tla nawk hlak,

Thlipui ruopui umna hmunah A mi țhuoia;

A ram le a felna A mi'n chûktir nawk hlak.

2. Hlimna a hung chuoiin ka kal ka pên buoia,

Ka khawvêl a'n chin buoi, fe ngaina ka hriet nawh;

Sienkhawm sûm dum kârah var a hung inlanga,

A mi kâwkhmu nâwk hlak, ka Vân lampui tieng chu.

3. Ka mihriem nun țhatna, felna, thienghlim leh;

Hmangaina po po hai iengmalo a'n changa,

Nei iengkhawm kan nei ta nawna hmun ngeia chun;

Ama nîna ropui tak chu ka'n țâwmpui hlak.

4. Thlipui, ruopui nuoilo ringtu tak chang ngai naw;

Mihriem lûlul tak hi râwtnâwi a ngai hlak si,

Ama angpui ka hung ni thei ngeina dingin;

Siem danglam ka ngaia hemțhat ka țûl hlak si.

:

Solomon V. Hmar Hlate

Mizo Lyrics Available at