CHAWIMAWI EI TIU
1. Lalpa inpâka chawimawi hi,
A va țhain aw a va'n hawi ngei;
Ka'n pâkna mi dâl theitu ding,
Thil iengpo khawm dit hrim ka nei nawh.
CHORUS :
Aw hung ta ûm, Lalpa chawimawi ei tiu,
Inpâkna hla ropui sakin;
Thlarau tieng hlahai inzâwt tlângin,
Lalpa chu lungril taka hla sak pêkin;
Rimawi tinrêng rempêk ei tiu.
2. Inpâk che hi ka duâisâm,
Ka'n pâk che hi aw kei di'n lâwmna;
Nang ka'n pâk naw che chun Lalpa,
Ka thlarau hi khawtiem ngha'ng a ta?
3. Lalpa inpâkna, chawimawina,
Mihriem ramah chuoi di'n ka phal nawh;
A'n pâkna hla rimawihai hi,
Ropui zuol sien, vul zuol pei raw seh.