Kan run sir seething lerah
Phuahtu: L. Keivom
RENGCHAL
Kan run sir seething lerah,
Thal favang lenkawl mawiah,
Rengte pa a kiu vawng vawng,
Virthli fim a hrang del del,
Lentu sawl hna no an fawm del del.
I lengna siething buk kar,
Berva leng run an kaina;
I sakhmel tawn ni um lo,
I zai hla’n lunglai thawng si;
Rimawi tin thang singzotu I nih.
Thal favang mawitu dingin,
Chung khuonu’n a lo ruot che;
Chengrang chawia ram tuon ni’n,
Turnipui savung hnuoiah,
Hsawl dawi ang mi dawmtu I nih.
Sienkhawm aw piellei mawitu,
I lenglai a tawi taluo,
Thei chang sien run mawitu di’n, ,
Thlang ka che kuontluonga di’n,
Sienkhawm khuonu’n a rel sin aw che.
