Vanglai ni, par ang vullai hun
Phuahtu: L. Keivom

VANGLAINI

Vanglai ni, par ang vullai hun, 

Hlimlai, lawi ang thlang hun;

Am ei tiu, zai tina chawiin, 

Kumsulin a liempui hma’n.


Vanglai ni, aw lenglai hun mawi, 


 

Singzo thei hrim an um nawh;

Perkhuong, tingtang remin kan chawi, 

Vangkhaw mawi sutuol zawlah, 


Thing tin par ang vul vanglaiin, 

Piellei vangkhuo an cheimawi!

An hningzu tlan va-khuoi lengin, 

Hlimlai chenin tlang an mawi.


Hringmi zaleng vanglai leng mawi, 

Runin, sumtuol an cheimawi;

Sakhmel tuoidawng, tha-nobeiin, 

Tlangkhuo nun hlimlai an hlan.

Vanglai nihai chungkhuo relin, 

La chul an ta, par angin;

Ngai khuo hrui ang a sei hma hin, 

Chen rei aw, lungkham hnawlin.


   Facebook      Twitter    :    Views(736)