Hringnun hi tâwite a nih,
Hlimna’n a tuomhai ta di’n;
Hringnun hi chatuon a nih,
Rinum tuortuhai ta dingin.
Sienkhawm thlierhran bîk a nei nawh ,
A um zing, a hringhai ta di’n;

Ka ta ding chun nang i nih hringnun.
Ka pum a ṭhenhai hi nang i nih,
Thil dang popo thâmral sien;
Keiah chatuonin hring i tih.

Hringnun hi hlîmthla a nih,
Takram chang si lo;
Pûrdo ta dingin,
Mangram chaua lênghai ta dingin;
Beiseina takram changthei si lo,
Hringmi chel sawng thei lo;
Chawkral el hlak si,
Meivâm chang el hlak hi.

Damsûng vawikhat a hin,
I ta di'n hmangaina pêng ka ta;
I ta di'n ring a ta,
I ta di`n ra suok ka ta,
Ka khawvel dam sûnga hring zing di’n.