Hrilin ka hril thiem nawh,
A sakhming le ka ṭawngbau khawm a’n mil;
Hunin a them phâk lo hmangaina,
Tum lo deuin ka lungril khawm;
Neitu hrein a’n châwm.

Kei tawp hi ama ta dingin,
Hi hla khawm hi ama ta dingin;
Malin ka’n ngai ta nawh,
Neitu, Changtu neiin khawvel thar a ka’n pêm tah.

Lam inkien ro,
Ka hmangai a nih annawm;
A ṭha ṭha pe ro, Ka duotlai a nih annawm;
Buoina kâra ka châwlhâdamna,
Ka lo buoi buoi khawm kha,
Ama umnaw lei a lo nih annawm.

Hmangaina ka nei nawh ti lang,
Mi petu hi ni nang ngei i tih,
Bâwite!
Inlâwi i lo tum chun,
I in lampui umsun chu kei hi ka nih.