A chul tawh hnu kum leh kan nun hluite
Phuahtu: Vankhama
1. A chul tawh hnu kum leh kan nun hluite,
Rial ang an ral zamual an liam ta e;
Maurua ang tuai leh tharin an mawi lo,
An ngîr lo'ng e, ngaiin au mah ila.
2. Tlaitla eng leh lenkawl a hnim changin,
Kan hlim ni leh kan ngui lai zante kha;
Pialralah chauh dar ang tawng leh turin,
An liam zo ta, hnutiang hawi tawh lovin.
3. Mahse, kum thar siamtu ropui ruat che,
A lo thleng ta, hmatiang a rawn sawn e;
Zan mu tho r'u, lenkawl a lo eng e,
Zaleng lawm par mawi eng rawn hawn maw e.
4. Kan lawm a che, kum sul puan ang thar chu,
Hlim leh lawmin zaiin ka awi ang che;
Kan zawh tluang i chhungah tui ang dam se,
Kum hlui hnehin lawmna min thlen ang che.
