Kumsul lo vei puan ang a thar leh ta
Phuahtu: Vankhama
1. Kumsûl lo vei puan ang a thar leh ta,
Vân Lal Naufa hring mi ang lo pian ni;
Vân mipuite'n par ang an lâwm lai khân,
Hnutiang a chhawn, piallei sual tlan tûrin.
2. Chhimhlei hrehawm rial ang a daih laiin,
Zingzin chûn Mari ran thleng hnuhchhâwlah;
Chhâm ang a zâl, a riang dung rawn thûlin,
A hliaptu ran in tlâwm bûkthlâm hnuaiah.
3. Chhingkhual mi fing leh phûl berâmpute,
Remna Lal lo piang lâwmin an lo kal;
Bâwng in chhûnga chûn Mari hrailêng chawi chu,
Lal thar chibai bûkin an va bûk a.
4. Kei ni paw'n kan chibai, lênchawm zai nên,
Perhkhuang, ṭingṭang leh lemlawi rem chungin;
Ri thei zawng zawng nên hlim zai vâwr chung zêlin,
Ni lêngin tlai khua pawh i vâr za ang.
