Awmlai lengin tlang tin a fang
Phuahtu: Thanherha
1. Awmlai lêngin tlang tin a fang,
Vânduai keini kan rûn chhungah;
Ka tuai duh châwnbânah a kai,
Lungngaih chhûmpui ka tan a zîng.
Ṭapin zai tin ka chhiar,
Sumtual ka hawi vêl a;
Ka tuai a lêng lo ve,
Bawihtê, khawnge i awm?
Aw, hrilh ka hai mang e.
2. Chhung kim taka dâr ang lênna,
Khawtlang suar ang a chim si lo;
Ami hrai chawi tualah an lêng,
Ka tuaiin piallei thim a nghâk.
3. Lunglên nî hian zin theih chang se,
Chinlai lênna vângkhua angin;
Thlafam vângkhua engtin awm maw?
Hmuh ka nuam e, ka hrai lênna.
4. Fam khuaah mû ang i lêng ta,
Sên nau ang nuihna rûn a dai;
Bawihtê, i sakhmêl leh ânka,
Aw, nghilh a va har dawn êm ve.
