Khawvel ropuina leh a mawina zawng aiin
Phuahtu: Thanherha
MKHTB(2007) 217
Doh is E
Khawvel ropuina leh a mawina zawng aiin,
Hmuh ka chak e, Lal Krista hmel chu;
Tihelna puan sinin hling an phiar khum mah se,
A mawi e, khawvel lal zawng aiin.
Aw, ka lawmna ber, ka Chhandamtu,
Ka thlamuanna leh ka hlimna hla ber i ni;
Ṭhatnain a par ka thinlungah,
A chul lo ve, ka Chhandamtu chu.
Chhandamtu hmangaihna chu tu nge sawi thei ang?
Min zawngin hrehawm tinreng a tuar;
Bethlehem leh Kalvari tlanga min zawngin,
Min hruai kir ta, hmangaihna huangah.
Lalpa, i hmangaihna hmel mawi min hmuhtir la,
Lungngai, riangvai, rethei fate hian,
He khawvel hi zawng kan ngai leh tawh lo nang e,
Aw i angchhungah min pawm langin.
A lo kal leh dawn ropuina nen chhum chungah,
A tlan sate min rawn hruai turin;
Lei hrehawm kan chhuah sanna ni chu a hnai ta,
Haleluia! Ka lawm e Lalpa.
