Hmana nun hlui a chul tawh hnu
Phuahtu: Rev. P.D. Sena
1. Hmâna nun hlui a chul tawh hnu,
A lanna tlâng awm maw?
Chuan zêl ila, romei kârah,
Nghilh ni a awm dâwn lo.
Min hnêm la, Lal Imanuel,
Ṭah lai ka bâng ang e;
Khua rei ngaih chu tlâng romei angin,
A lo kiang leh ang a.
2. Chung khua lo ri thin lai a nghawr,
Nun hlui ka ngai zual ṭhin;
Lal lai pâr tlân lenrual kim leh,
Rih sâng kai min ngaihtir.
3. Thlafam ka ngai nau ang ka ṭap,
Min hnêmtu an awm lo;
Zârva ianga hlim lai nî kha,
Hmuh nî awm leh ang maw?
4. Ngai mah ila, nun hlui mual liam,
Rairah ka riang thlâwn e;
Ka thlîr ang thangvân sâng khua nuam,
Nêmten ka pal dai ang.
