Fam ngaih zunleng a tho leh e
Phuahtu: Rev. P.D. Sena
MKHTB(2007) 319
Doh is C
Fam ngaih zunleng a tho leh e,
Ṭhal, favang, fur khaw thiang hnuaiah;
Chung khaw ri leh hlimthla lengin,
Lunglen a din thar leh e.
Hlim lai kawlkung a zam ral ta,
Chhung kim lai ka ngai mang e;
Din thar leh thiam awm tak ang maw,
Ṭah lai min hneman?
Rawn thlir ve maw rauthla lengin?
Awih lai a nuam ve dawn mang e;
A chun rihsang kai hnu hlimthla,
A hrai riangin lo ngen e.
Hnem thiam awm maw zaleng zingah?
Lung hnemtu tawn ka nuam mang e;
Ṭapin ka zawng hmar tlang tluanin,
Siang lawi tur ka tlei chuang lo.
