Zion pindan saw thinlungin thlir teh u
Phuahtu: V.T. Kappu
1. Zion pindan saw thinlungin thlîr teh u,
Lalpa lungngaia saw;
A thisen entir nan Uaiin no a in a,
Aw, a lungngai hmêl chu ka en ngam lo.
2. Ka Lal lungngaihna tui ang a lian a,
Dan rual a ni lo ve;
Zâmlai a rêl si lo, lungngaihna sûr hnuaiah,
Hling lukhum a khum e, lo en ṭheuh r'u.
3. A hming Luruh hmun panin an hruai e,
Lalpa, lungngaia chu;
Chau leh lungngai chungin Zion tlâng mual a liam,
"Aw ka Lal, lo kir rawh," ti an awm lo.
4. Vânkhua a nguiin fak hla a dai zo,
Ka Lalpa thih nîin;
Thimin a hmêl a hliah, nîin a en ngam lo,
Hmangaih Lalpa sûnin chhim lei a nghîng.
