A pianna ni leh a thihna ni hianin min run
Phuahtu: V.T. Kappu
1. A pianna ni leh a thihna ni hianin min run,
Aw ka Lal, ka Chhandamtu;
Bâwng in chhûng i zâlna ka enin,
Khawvêl sual phur tûrin i piang.
Aw, ka hril zo thei lo, ka Chhandamtu,
I pianna leh i thihna chanchin chu;
Thing ânchhedawng chung chu,
Paradis a ni maw?
2. Vân mite khian engtin an lo ngai ve ang tiin,
Ka lunglai hnêmtû Lal hi;
A pianna hrehawm bâwng in tlâwm hnuai,
A thihna Kalvari tlâng saw.
3. A pianna lâwmin a thihna hmun chu thlîr ila,
Bethlehem leh Kalvari;
A pianin vân mi'n zai an rawn rem,
A thihin Israel an lâwm.
4. Ka lâwmna leh ka hlimna ropui ka Lalpa chu,
A pian tirh ata riangin;
Aw, a hming Kalvari tlâng chungah,
Hlîng lukhum phiar khumin a thi.
